Un acte d’officialité pour Molesme en novembre 1239

Dijon, Archives départementales de la Côte d’Or, 7 H 749

Dijon, Archives départementales Côte d'Or, 7 H 7* (cart. 143), fol. 39v

Dijon, Archives départementales Côte d'Or, 7 H 7* (cart. 143), fol. 39v

=== Date ===

1239, novembre.

=== Regeste ===

Robert de La Noue, official de Troyes, notifie le don fait par Jobert d’Isle [-Aumont], dit Buffetier, et Sibylle, sa femme, à l’abbaye de Molesme, entre les mains du moine Guillaume, de 3 arpents et demi de la prairie de [Rummily-les-]Vaudes, situés dans sa censive. (1)

=== Tradition (partielle) ===
A. Dijon, Archives départementales de la Côte d’Or, 7 H 749. Original en parchemin, jadis scellé (trace sceau pendant). Hauteur : 122/126 mm (repli 15/17 mm) ; largeur 171/173 mm.
B. Dijon, Archives départementales de la Côte d’Or, 7 H 7 (cart. 143), fol. 39v-40r. Copie du XIIIe s. dans le “second cartulaire de Molesme” (Stein, n° 2474), d’après A.

Mention et analyse : Jacques Laurent, Cartulaires de l’abbaye de Molesme, Paris, 1911, t. II, p. 327-328, n° 191 (sous la cote 7H 299 Rumilly).

=== Edition ===

|1| Omnibus presentes litteras inspecturis magister Robertus de Noa (2), officialis Trecensis, salutem. Noverint universi quod |2| in nostra presencia constitutus Jobertus de Insulis (3), dictus Buffeterius, dedit, concessit et imperpetuum |3| quitavit ex deliberatione provida, ob remedium anime sue in puram et perpetuam elemosinam ecclesie Molismensi (4) |4| tria arpenta et di[mi]dium prati in praeria de Waudis (5) que sita sunt in censiva et justicia dicte ecclesie |5| ut dicitur desuper Vetus Fossatum et juxta. De quo dono promisit idem Jobertus portare garentiam dicte |6| ecclesie pro posse suo et promisit idem Jobertus quod contra donationem et concessionem predictam per se vel per |7| alium nullo tempore veniet. Que omnia laudavit et approbavit coram nobis Sybilla, uxor dicti Joberti, |8| spontanea voluntate sua non vi, non dolo, nec aliquo metu ad hoc inducta, et quitavit dicta Sibilla |9| ecclesie memorate quicquid juris habebat in omnibus modis et commodis in prato pretaxato tam ratione |10| dotis quam quocumque alio modo et promisit dicta(a) Sibilla per fidem suam corporaliter prestitam coram |11| nobis quod contra predictam nullo tempore veniet nec aliquid in dicto prato decetero reclamare presumet. |12| De quo prato devestiverunt se coram nobis dictus Jobertus et Sybilla uxor sua et Guillelmum |13| monachum dicte ecclesie nomine ipsius ecclesie investiverunt. In cujus rei testimonium presentibus |14| litteris sigillum curie Trecensis duximus apponendum. Actum anno Domini .M°. CC°. XXX°. nono, mense novembris.

(a) dictus corr. in dicta A.

=== Notes ===
(1) Les identifications sont ici reprises de l’analyse de Jacques Laurent, loc. cit.

Mars 1279 [a. st.]

Dijon, Archives départementales de la Côte d’Or, 7 H 749

== Date ==
1280, mars [n. st] (1)

== Regeste ==

Roger de Longvillers, bailli de Troyes, notifie la vente faite par Jean de Longeville à l’abbaye de Molesme de neuf journaux de terre

== Tradition (incomplète) ==
A. Dijon, Archives départementales de la Côte d’Or, 7 H 749. – Original en parchemin, jadis scellé.

== Edition ==
Nous, Rogiers de Loncvilerz (2), chevaliers, bailliz de Troyez, faisonz savoir a touz ces qui verrunt et orrunt |2| ces presentez lettrez que par devant Jofroi Dilez, dit Dou Perer, nostre clerc, et par devant |3| Jehan lou Grant, nos jurez et feaus establiz de nous, fu presens Jehanz de Longeville, reconnut de |4| sa bonne volanté, sanz force et sanz contrainnement d’aucun, que il a vendu et au nun de vendue |5| quite et otroye a toujours mais a l’abé et au couvent de Mouloigmes nouef journeis de terre |6| que il a, si comme il dit, ou finage de Rumeley, ceans Au Trois Piecez — desqués li duy jou[r]né |7| sunt ou lou que l’an dit “Au Bouison Liebaut”, aupreis la terre a la fame fau Pellus d’une |8| part et aupreis la terre Colin Houchet d’autre part ; trois journeis an la Fin Meaune, aupreis |9| la terre au moinnez d’une part et aupreis la terre Guillaume de Vilers d’autre part ; et quatre journés |10| dariez la maisum aus maladez aupreis la terre Guillaume Loileier d’une part et aupreis la terre aus |11| moinnes d’autre part — a tenir et a avoit (a) a aus et a lor sucessours a toujours mais pour trante |12| livres de tornois, desqués lidiz Jehanz ce tient pour bien paiez au deniers contans, |13| et an premet lidiz Jehanz porter leal guarantie audit abé et au couvent anver |14| toutez genz et renunça lidiz Jhanz a ce qui ne puise dire qu’i soit deceuz an la |15| metié ou au plus de ceste vendu, et an oblige sum cors a estre prins et |16| a tenir an prisum et touz ces bienz et les bienz de ces hers, moublez et num |17| moublez, presenz et a venir, a penre et a lever et a despendre, juque a tan que li-|18|-diz abéz et li couvenz ce tainnent bien a paié de ceste vendue et de cous et |19| de doumachez qu’il i poureiant avoir. Et viant et otroye lidiz Jehanz que la ven-|20|-due qui seroit faite de ces bienz obligiez par la jutise monsiegnor lou conte de Chanp[aigne] |21| soit ferme et estable con de chose conneue et a jugié an la court au bailli de Troyez |22| et s’am soumet lidiz Jehanz an la juridiciun monsiegnor lou conte de Chanp[aigne] |23| et dou bailli de Troyez ou de lor sucessors qui apreis aus vanrient. Et renunça lidiz Jehanz |24| a touz previlagez de croiz prins et a panre et a toutez franchisez de bourjesie de |25| roi de France et a toutez exceptionz de fet et de droit qui audit Jehan pourient |26| aidier et audit abé et au couvent nuyre. Et pour estre plus fert estable, nous |27| Rogierz de Loncvilers, chevaliers, bailliz de Troyez, ai scelleez ces lettrez par les tesmoinnagez de nos |28| jurez dou scel de la baillie de Troyez et dou contre scel mon propre scel, sauf lou droit monsiegnor |29| lou conte de Chanp[aigne]. Ce fu fait an l’am de grace mil dues cens sexante dis et nuef, ou |30| mois de mars.

(a) Sic A.

== Notes ==

1. Dans le style de Pâques, l’année 1279 [a. st.] court du 2 avril 1279 au 21 avril 1280.
2. Longvillers, Calvados, arr. Caen, cant. Villers-Bocage (?)

==

Octobre 1293

Dijon, Archives départementales de la Côte d’Or, 7 H 702

== Date ==
1293, octobre

== Regeste ==
Pierre de Villeblovin dresse la liste des biens de mainmorte détenus par l’abbaye de Molesme suite à divers dons.

== Tradition (incomplète ?) ==
A. Dijon, Archives départementales de la Côte d’Or, 7H 702. – Original jadis scellé. Parchemin. Hauteur 108/115 mm ; largeur 220 mm.

== Edition ==

A touz ceus qui ces lettres verront, Pierre de Villeblovein (1), escuier, establiz a enquerre sus les aquissicions feites des persones d’esglisse des reli-|2|-gious quels que ciles soient et des non nobles persones, en fiez, en riere fiez, en censsives, en rieres censsives et es aleuz nostreseigneur le |3| roy en la baillie de Sanz (2) salut. Sachent tuit que que nous, en fessant l’office des inquissicions, avons trouvé et seu que li pitanciers de Molesmes (3) |4| tient de l’aumosne la contesse Mehaut de Tonnerre (4) cent solz de rante par an assis sus la prevosté de Crussi (5) XXX. anz a, ou fié l’esvesque de Langres (6). |5| Item a Rici (7) de l’aumosne madame Marguerite, fame feu monseigneur Guillaume de Rici, deus setiers de froumant assis sus deus moulins a Rici, c’est a |6| savoir sus le moulin Craboce et sus le moulin de la Rue, mouvent en fié de Guiot de Rici, en riere fié dou conte de Tonnerre, environ XX. anz |7| a, ou pris de XX. solz tournois chascun setier. Item de Thomassin, fil madame Marguerite, sus ces deus moulins .I. setier de fromant aumosne mo-|8|-vant dou fié Guiot de Rici, escuier, en riere fie dou conte de Tonnerre .X. anz, a ou pris de susdit. Item a Leignes (8) de monseigneur Guillaume, chevalier, |9| .I. setier de fromant et .I. setier d’orge asmonne, sus le moulin que l’en apeile le moulin Maieuz, le fromant ou pris desus dit et l’orge ou pris |10| de XII. solz, mouvent dou fié au conte de Tonnerre, environ XX anz a. Item de monseigneur Hue, son frere, .I. setier de froumant sus ce molin |11| meismes, asmone mouvant dou conte de Tonnerre, ou pris de susdit, .X. anz a. Item a Auceurre (9) de Guillaume de Corbigni .IIII. livres de rante par an |12| sus tout l’eritage feu Martin Fouchier jadis bourgeois d’Auceurre, c’est a savoir sus messons, sus vignes et sus terres asmone .XXX. anz a. Et |13| de ce nous avons creu le dit pitancier par le report qu’i[l] nous a fet, et avons bien fet retenue d’enquerre des closes quant nous ferons ou païs |14| liquels afiné avons pour toutes ces choses a .XXXIII. livres .IIII. solz tournois, et nous en tenons pour poieiz et pour ce que ce soit ferme et estable |15| nous li avons donné ces leitres seeles dou seel duquel nous ussons audites enquestes en l’an de grace mil deus cenz quatrevingz et |16| treize, au mois de ockovre.

1. Villeblovin, Yonne, cant. Pont-sur-Yonne.
2. Sens, Yonne, ch.-l. arr.
3. Molesmes, Côte-d’Or, cant. Laignes.
4. Mahaut de Bourbon, arrière-petite fille de Mahaut de Courtenay et héritière du comté de Tonnerre en 1252, épouse de Eudes de Bourgogne, meurt en 1262.
5. Cruzy-le-Châtel, Yonne, ch.-l. cant.
6. Langres, Haute-Marne, ch.-l. dép.
7. Riceys (les), Aube, cant. Bar-sur-Seine.
8. Laignes, Côte d’Or, ch.-l. cant.
9. Auxerre, ch.-l. Yonne.